 |
७ भदौ, काठमाडौं । अखिल नेपाल फुटबल संघको
अध्यक्षमा फेरि गणेश थापा नै निर्वाचित हुने पक्का भएको छ । एन्फाको
कार्यकारीणी समितिको शुक्रबार बसेको बैठकले कार्तिक ७ गते हुने साधारण
सभामा वर्तमान अध्यक्ष थापालाई एन्फाको आगामी कार्यकालको निरन्तरताको
निम्ति अध्यक्ष पदको उम्मेदवार बनाउने निर्णय गरेको हो ।
एन्फाको निर्णयसँगै थापा फेरि अध्यक्ष
हुने पक्का जस्तै भएको छ । गत वर्ष एन्फाले विधान संशोधन गरेर अध्यक्षको
उम्मेदवार हुन पदाधिकारी हुनु पर्ने व्यवस्था कायम गरेको थियो ।
बैठकले राष्ट्रिय खेलकुद परिषदबाट स्विकृत
कार्तिक ७ गते काठमाडौंमा संघको १४ औं बाषिर्क साधारण सभा तथा निर्वाचन
गर्ने निर्णय गरेको छ । निर्वाचनका लागि अधिवक्ता केशब भट्टराईको
संयोजकत्वमा रामेश्वर श्रेष्ठ र राजाराम ढकाल रहेको ३ सदस्यीय निर्वाचन
समिति गठन गरिएको एन्फाले जननाएको छ ।
साधारण सभामा बी डिभिजनका क्लबहरुबाट ७ को
सट्टा ७ र सी डिभिजनका क्लबबाट ३ को सट्टा ५ मताधिकारसहितको प्रतिनिधि
प्रस्ताव गर्ने निर्णय भएको एन्फाले जनाएको छ ।
|
|
Post a Comment