डान्सरबार गर्लको जवानी र बाउन्सरको याक्सनलाई सबैले हेर्न पाउने

भदौ १४ गतेबाट प्रदर्शनमा आउन लागेको नयाँ चलचित्र ‘बाउन्सर’लाई सबै दर्शकले हेर्न पाउने भएका छन् । चलचित्रलाई सेन्सर बोर्डले शुक्रबार युनिभर्सल सर्टिफिकेट दिएको हो । यसका निर्माता तथा नायक प्रशान्त गिरीले चलचित्रमा समावेश बिषय अत्यन्त राम्रो भएको भन्दै सेन्सरले यूनिभर्सल सर्टिफिकेट दिएको जानकारी दिएका छन् ।मदन घिमिरेको निर्देशनमा तयार भएको यो चलचित्रमा सुष्मा कार्की, प्रशान्त गिरी लगायतका कलाकारको अभिनय छ । चलचित्रमा अर्जुन पोखरेलले संगीत भरेका छन् । चलचित्रमा नव कलाकार प्रशान्त गिरीले साउथ स्टाइलको खतरनाक द्वन्द्व गरेका छन् । चलचित्रमा द्वन्द्वको दृश्य केही खतरनाक भएको भन्दै बोर्डले आनाकानी गरेपनि अन्तत यूनिभर्सले सर्टिफिकेट दिएको निर्माणपक्षको भनाई छ ।