ट्राफिकको बिरुद्धमा काम गर्ने दिपकराजको उद्घोष, डीआइजीलाई ‘तितो सत्य’मा निमन्त्रणा

मापेस चेकिङमा परेर लाइसेन्स नलिएपछि मिडियामा आलोचनात्मक खबरहरु प्रशारण भएपछि हाँस्यकलाकार दिपकराज गिरी निक्कै चिडिए । ट्राफिकको बिषयमा सचेतना जगाउने सामाग्री बनाइदिए लाइसेन्स दिने आग्रहलाई आफूहरुले स्विकार गरेतापनि पछि चर्चा पाउनको लागि मिडियामा नकारात्मक समाचार प्रशारण गरिएको बिषयमा दिपकले चर्को आलोचना पनि गरेका थिए ।उनै हाँस्यकलाकार गिरीले अब आफूले ट्राफिकको दुत नभई ट्राफिक पिडितहरुका लागि काम गर्ने बताएका छन् । पुरै कक्षा लिएर लाइसेन्स ल्याएका दिपकले फेसबुक मार्फत आफ्नो धारणा सार्वजनिक गर्दै भनेका छन्, ‘आजबाट ट्राफिकले घुस मागेका, ट्राफिकले मुख छोडेका र दुख दिएका मानिसहरुको लागि काम गर्छु ।’

उनले टीभीमा आउन रहर भएका डीआइजी केशव अधिकारीलाई ‘तितो सत्य’मा अभिनय गर्नका लागि निमन्त्रणा पनि गरेका छन् । ‘लाइसेन्स समातेको मानिसलाई कानुनी कारवाही गर्नेर् हो टीभीमा अनुहार देखाएर आफू हिरो हुन खोज्ने होइन’, दिपकले भनेका छन् ।